لاہور: (ویب ڈیسک) پاکتان کے معروف اداکار فیروز خان نے ایک بار پھر بالی ووڈ اداکارہ کنگنا رناوت کو سبق سکھاتے ہوئے کہا ہے کہ اگر وہ پاکستان کے خلاف بولنا چھوڑدیں تو بالی ووڈ میں کہیں نظر ہی نہ آئیں۔
تفصیلات کے مطابق بھارتی اداکارہ کنگنا رناوت اپنی فلموں سے زیادہ پاکستان مخالف بیانات دینے کے لیے مشہور ہیں۔ کنگنا اکثر سوشل میڈیا پر پاکستان کیخلاف زہر اگلتی نظر آتی ہیں اور اب تو صورتحال یہ ہوگئی ہے کہ ان کی ہر دوسری ٹوئٹ پاکستان مخالف بیانات سے شروع ہوکر پاکستان کے نام پر ہی ختم ہوتی ہے۔
پاکستان مخالف بیانات دے کر کنگنا رناوت خبروں میں رہتی ہیں ورنہ ان کا بالی ووڈ میں کوئی خاص قابل ذکر کام تو ہے نہیں جس کی وجہ سے انہیں شہرت ملے۔ ایک بار پھر کنگنا رناوت نے بھارت کے اندرونی معاملات میں پاکستان کو بیچ میں لاکر اپنی سطحی سوچ کا ثبوت دیا ہے۔
یہ بھی پڑھیں: اداکار فیروز خان نے کنگنا رناوت کو پاکستان میں ’چائے‘ کی دعوت دیدی
کنگنا رناوت نے ایک ٹوئٹ میں ہندو انتہاپسند تنظیم شیو سینا کے لیڈر سنجے راوت کی جانب سے انہیں دی جانے والی دھمکی کے بارے میں بتاتے ہوئے کہا سنجے راوت نے انہیں کھلی دھمکی دی ہے کہ میں ممبئی نہ آؤں۔ اس کے بعد انہوں نے اپنے اندرونی معاملے میں بلاوجہ پاکستان کو گھسیٹتے ہوئے کہا کہ ممبئی کیوں آزاد کشمیر کی طرح محسوس ہو رہا ہے؟
کنگنا رناوت کی اس ٹویٹ کو ری ٹویٹ کرتے ہوئے اداکار فیروز خان نے کنگنا رناوت کو بالی ووڈ میں ان کی حقیقت دکھاتے ہوئے کہا کہ اگر تم اپنی ٹوئٹس میں یہ قیمتی نام ’پاکستان‘ لینا چھوڑ دو تو بالی ووڈ میں کہیں نظر نہ آؤ۔
- you’d be no where to be seen in Bollywood if you stop taking this precious name “PAKISTAN” in your tweets and other wise.... lol acha choro yeh batain ..., chaie ? https://t.co/w4AzQdux7s
— Feroze Khan (@ferozekhaan) September 3, 2020
اس کے ساتھ ہی انہوں نے ایک بار پھر کنگنا رناوت کو بھارتی پائلٹ ابھی نندن کا حوالہ دیتے ہوئے ان پر طنز کیا ’’اچھا چھوڑو یہ بتائیں چائے؟‘‘
واضح رہے کہ چند روز قبل جب کنگنا رناوت نے اپنی نئی فلم کا پوسٹر شیئر کیا تھا جس میں وہ پائلٹ بنی ہوئی ہیں تو فیروز خان نے انہیں طنزیہ انداز میں پاکستان میں چائے پینے کی دعوت دیتے ہوئے بھارت کے بزدل پائلٹ ابھی نندن کی یاد دلائی تھی۔
