ممبئی: (ویب ڈیسک)بھارت کے معروف ریپر یویو ہنی سنگھ پر مہاراشٹرا میں ایک ایونٹ آرگنائزر نے اغواء اور تشدد کے الزامات لگائے ہیں۔
بھارتی میڈیا کے مطابق ویویک رامن نامی ایک نوجوان نے ممبئی کی بی کے سی پولیس اسٹیشن میں شکایت درج کرائی ہے۔
ممبئی پولیس کے مطابق ویویک رامن نامی ایک شخص نے جو ایک ایونٹ کمپنی کا مالک ہے، ہنی سنگھ کے خلاف اغواء اور تشدد کے الزامات عائد کیے ہیں، شہری نے مؤقف اختیار کیا کہ ہنی سنگھ نے انہیں ممبئی شہر کے مضافات میں موجود ایک ہوٹل میں اغواء کرکے قید رکھا اور ان پر تشدد بھی کیا۔
پولیس رپورٹ کے مطابق ایونٹ آرگنائزر نے گلوکار کیلئے ایک باندرا کرلا کمپلیکس میں 15 اپریل کو ایک شو آرگنائز کیا تھا لیکن پیسوں کے مسائل کی وجہ سے شو کینسل کردیا گیا۔
