ممبئی: (ویب ڈیسک) پاکستان کا مقبول ترین ڈرامہ میرے پاس تم ہو اب بھارتی چینل پر بھی نشر کیا جائیگا، ڈرامے میں عائزہ خان ، ہمایوں سعید اور عدنان صدیقی نے مرکزی کردار ادا کیا۔
خلیل الرحمن قمر کا تحریر کیا گیا ڈرامہ میرے پاس تم ہو ، جو کہ 2019 میں نشر ہوا، یہ بلاک بسٹر ڈرامہ جس کی 4 برس بعد بھی مقبولیت ویسی ہی ہے، پاکستان کا مقبول ترین ڈرامہ میرے پاس تم ہو اب بھارتی چینل پر بھی نشر کیا جا رہا ہے۔
انسٹاگرام پر ’میرے پاس تم ہو‘ کا ٹریلر شیئر کرتے ہوئے بھارتی چینل ’زی زندگی‘ نے اعلان کیا کہ ڈرامہ جلد انڈین ٹیلی ویژن کی اسکرینوں پر آرہا ہے، بھارتی چینلاس سے قبل متعدد پاکستانی ڈرامے نشر کرچکا ہے جن میں ’قصہ مہربانو کا‘، ’آسمانوں پہ لکھا‘ اور ’ہم کہاں کے سچے تھے‘ شامل ہیں۔
— Zindagi (@Zindagi) July 21, 2023
ڈرامے کو جہاں بے حد پذیرائی ملی وہی بہت سے حلقوں نے ڈرامے کے ڈائیلاگز کے خلاف آواز بھی اٹھائی کہ جس میں ایک عورت کے روپ کو بے حد منفی انداز سے پیش کیا گیا، اس تنقید کے باوجود بھی ڈرامے کی نشر کی جانے والی آخری قسط کو تقریبا اب تک 7 کروڑ سے زائد افراد دیکھ چکے ہیں۔
