لاہور: (دنیا نیوز) پاکستان شوبز انڈسٹری کی خوبرو اداکارہ مریم نفیس اور ان کے شوہر کے ہاں جلد پہلے بچے کی پیدائش متوقع ہے۔
مریم نفیس نے انسٹا گرام پر یہ خوشخبری اپنے مداحوں کو دی، انہوں نے شوہر کے ہمراہ کئی تصاویر بھی اپ لوڈ کیں۔
اداکارہ مریم نفیس نے انسٹا گرام پوسٹ میں لکھا کہ ہم بہت جلد والدین بننے والے ہیں، ساتھ ہی انہوں نے مداحوں سے درخواست کی کہ وہ انہیں اپنی دعاؤں میں یاد رکھیں۔
یہ خوشخبری سامنے آنے کے بعد شوبز انڈسٹری سے تعلق رکھنے والے دوست اور مداحوں کی جانب سے مریم کو مبارک باد دی جارہی ہے۔
واضح رہے کہ اداکارہ مریم نفیس نے اپنے دوست اور فوٹوگرافر امان احمد کے ساتھ 2022 میں شادی کی تھی، مریم نفیس نے ایک نجی ٹی وی کے پروگرام میں انکشاف کیا تھا کہ ان کی اور ان کے شوہر امان کی عمر میں 13 سال کا فرق ہے۔
