ترپتی دمری نے سیم مرچنٹ سے ڈیٹنگ کی افواہوں پر خاموشی توڑ دی

Published On 11 January,2025 10:46 am

ممبئی: (ویب ڈیسک) فلم ’اینیمل‘ سے راتوں رات شہرت کی بلندیوں پر پہنچنے والی بالی ووڈ اداکارہ ترپتی ڈمری نے آخر کار سیم مرچنٹ کے ساتھ اپنے تعلقات سے متعلق جاری قیاس آرائیوں پر خاموشی توڑ دی۔

اداکارہ ترپتی ڈمری نے بتایا ہے کہ کس طرح سیم مرچنٹ کے ساتھ تعلقات سے متعلق افواہوں نے ان کی عوامی اور نجی زندگی دونوں کو متاثر کیا ہے۔

بھارتی میڈیا کے ساتھ ایک حالیہ انٹرویو میں ترپتی دمری نے بتایا ہے کہ کبھی کبھار یہ افواہیں مجھے بے حد متاثر کرتی ہیں، کبھی کبھی ان افواہوں کی وجہ سے میں واقعی بہت پریشان ہو جاتی ہوں کیونکہ مجھے اپنی آزادی پسند ہے۔

انہوں نے مزید کہا کہ مجھے وہ دن یاد آتے ہیں جب میں کسی بھی چیز کی فکر کیے بغیر یا ماسک پہنے بغیر سڑکوں پر چل سکتی تھی۔

ترپتی دمری نے کہا ہے کہ سیم مرچنٹ کے ساتھ ڈیٹنگ کی مسلسل افواہوں کے باوجود میں اپنے کیریئر پر توجہ مرکوز رکھتی ہوں اور اپنے کام کے ساتھ وفادار رہتی ہوں۔

یاد رہے کہ اداکارہ ترپتی اور سیم مرچنٹ کے درمیان تعلقات سے متعلق افواہوں نے اس وقت زور پکڑا تھا جب اس جوڑی کو نئے سال کا جشن منانے کے لیے فن لینڈ میں چھٹیوں کے موقع پر ایک ساتھ دیکھا گیا۔