لاہور: (ویب ڈیسک) پنجاب کونسل آف دی آرٹس کا سٹیج ڈرامہ دکھانے والے تھیٹروں کے خلاف بھرپور ایکشن،غیر اخلاقی پرفارمنسز پر متعدد تھیٹرز کو شوکاز نوٹسز جاری کر دیئے۔
پنجاب کونسل آف دی آرٹس نے لاہور سمیت گوجرانوالہ، فیصل آباد اور دیگر شہروں کے تھیٹر ہالز کو نوٹسز جاری کئے ہیں، متعدد تھیٹرز ڈرامہ ایکٹ کی اورڈرامہ اوقات کی خلاف ورزی کررہے ہیں، لاہور میں لیاقت تھیٹر، پنجابی تھیٹر اور کمال تھیٹر کے نام نوٹس جاری ہوئے ہیں۔
واضح رہے کہ وزیراعلیٰ پنجاب مریم نواز کے احکامات کی روشنی میں پنجاب بھر میں ڈراموں کی سخت ترین مانیٹرنگ کا فیصلہ کیا گیا ہے، ای مانیٹرنگ کے بعد خلاف ورزی پر نوٹسز دینے کا بھی سلسلہ شروع کر دیا گیا ہے۔
اس حوالے سے پنجاب آرٹس کونسل کے ہیڈ آفس شادمان میں کنٹرول روم قائم کر دیا گیا ہے جبکہ آئندہ ڈراموں کے گانوں کی بجائے مکمل ڈرامے کی فل ڈریس ریہرسل کو مانیٹر کیا جائے گا، کوشش ہوگی تھیٹر کو اس کی اصل شکل میں بحال کیا جائے۔
