کراچی: (ویب ڈیسک) پاکستانی ماڈل و اداکارہ نادیہ حسین کے شوہر عاطف خان کی کرپشن سے متعلق ایف آئی اے کی تحقیقات جاری ہیں۔
ایف آئی اے نے حبیب سکیورٹیز کے زاہد حبیب اور نعیم انور کو ایف آئی اے میں پیشی کے نوٹس جاری کیے تھے، عاطف خان سے لاکھوں وصول کرنے والے دونوں افراد نے پیش ہونے کے لیے مہلت مانگ لی۔
دونوں افراد کو بیان ریکارڈ کرانے کے لیے بالترتیب 22 اور 24 اپریل کے لئے نوٹس جاری ہوئے تھے، زاہد حبیب نے ریکارڈ حصول اور نعیم انور نے طبعیت خرابی کے باعث مہلت طلب کی، دونوں افراد نے اگلے ہفتے متعلقہ ریکارڈ کے ساتھ اگلے ہفتے پیش ہونے کی یقین دہانی کرائی ہے۔
یاد رہے کہ عاطف خان سے رقم وصول کرنے والوں میں ان کی والدہ گلنار خان اور نادیہ حسین شامل ہیں جبکہ دیگر افراد میں عمران شیرانی، ایم علی الدین صدیقی اور عدیل ظفر بھی رقم وصولی میں شامل ہیں۔
