کراچی: (ویب ڈیسک) پاکستان کے دوسپر سٹارز سجل علی اور فواد خان کے حالیہ اشتراک نے سوشل میڈیا پر ہلچل مچا دی، جس سے مداحوں کے دلوں پر بھی چھریاں چل گئیں۔
دونوں سٹارزکی ایک ویڈیو وائرل ہو رہی ہے جس میں انہوں نے بھائی بہن کا کردارادا کیا ہے، فواد خان کو اپنی بہن سجل علی کی رخصتی کے موقع پرآنکھوں میں آنسو لئے الوداع کہتے ہوئے دیکھا جا سکتا ہے۔
اگرچہ ویڈیو میں دکھائی گئی محبت اور رشتہ انتہائی دلکش تھا لیکن مداحوں کی توقعات کچھ اور تھیں، زیادہ ترشائقین چاہتے تھے کہ فواد اور سجل کو ایک رومانوی جوڑی کے طور پر پردے پر دیکھیں۔
سوشل میڈیا پر ردعمل میں ایک صارف نے لکھا جذبات آنسوؤں میں بہہ گئے، ایک اور نے کہا ہم اسے اس نظرسے نہیں دیکھ سکتے، ایک مداح نے جذبات کچھ یوں بیان کئے کہ بہن بھائی یہ تو دل ہی نہیں مانتا۔
فینزکی بھرپورخواہش ہے کہ فواد خان اور سجل علی کو جلد از جلد کسی فلم یا ڈرامے میں ایک دلکش رومانوی جوڑی کے طورپراکٹھا کیا جائے۔
