ہالی وڈ: (ویب ڈیسک) امریکی اداکارہ، وائس اوور آرٹسٹ اور پروڈیوسر کیلی میک محض 33 سال کی عمر میں انتقال کر گئیں۔
امریکی میڈیا کے مطابق وہ طویل عرصے سے کینسر کے مرض میں مبتلا تھیں اور ان کے انتقال کی وجہ بھی کینسر بتائی گئی ہے، ان کی موت امریکی ریاست اوہائیو میں اہلخانہ کے درمیان ہوئی۔
ان کی بہن نے بتایا کہ کیلی کے انتقال کے وقت ان کی والدہ ان کے ساتھ موجود تھیں، کیلی میک کے اہل خانہ میں ان کے والدین، ایک بہن اور ایک بھائی شامل ہیں۔
کیلی میک نے متعدد مشہور ٹی وی ڈراموں میں اداکاری کے جوہر دکھائے، جن میں خاص طور پر ڈرامہ سیریز شیکاگو میڈ اور 9-1-1 قابل ذکر ہیں، ان کی فلم واکنگ ڈیڈ بھی مشہور ہوئی تھی۔
اداکارہ نے ہِنزڈیل سینٹرل ہائی سکول سے گریجویشن کی اور کیلیفورنیا کے شہر اوریگون میں واقع چیپمین یونیورسٹی کے ڈاج کالج آف فلم اینڈ میڈیا آرٹس سے سینماٹوگرافی میں بیچلر کی ڈگری حاصل کی تھی۔
