لاہور: (ویب ڈیسک) معروف مذہبی سکالر ڈاکٹر عامر لیاقت کی نازیبا ویڈیوز وائرل کرنے کے کیس میں ملزمہ دانیہ شاہ پر فرد جرم عائد کرنے کی تاریخ مؤخر کر دی گئی۔
سٹی کورٹ کراچی میں عامر لیاقت کی نازیبا ویڈیوز وائرل کرنے سے متعلق کیس کی سماعت ہوئی، دانیہ شاہ اپنے وکیل کے ہمراہ پیش ہوئیں۔
ایڈوکیٹ لیاقت گبول نے عدالت کو بتایا کہ ملزم یاسر شامی کو عدالت بری کر چکی ہے، دانیہ شاہ پر یہ کیس نہیں بنتا ہے، دانیہ شاہ نے نازیبا ویڈیوز نہیں بنائی نہ ہی بھیجی، آج ایف آئی اے کے پراسیکیوٹر بھی نہیں پہنچے۔
عدالت نے ملزمہ دانیہ شاہ پر فرد جرم عائد کرنے کی تاریخ مؤخر کر کے کیس کی مزید سماعت 18 ستمبر تک ملتوی کر دی۔
یاد رہے کہ ملزمہ کے خلاف ایف آئی اے میں مقدمہ درج کیا گیا تھا۔
