لاہور: (دنیا نیوز) پاکستانی اداکارہ اور مارننگ شو ہوسٹ فضا علی ایک بار پھر خبروں کی زینت بن گئی۔
پروگرام مارننگ شو کی میزبان فضا علی حالیہ دنوں میں مسلسل تنازعات کی وجہ سے سوشل میڈیا پر زیرِ بحث ہیں، قبل ازیں فضا علی ندا یاسر اور صبا فیصل کی غیر محتاط گفتگو پر تنقید اور کاشف ضمیر کے مبینہ طور پر نقلی سونا پہننے کے انکشاف کی وجہ سے بھی سرخیوں میں رہ چکی ہیں۔
اب تازہ معاملے میں فضا علی نے بالواسطہ طور پر ندا یاسر پر الزام عائد کیا ہے کہ ان پر تنقید کے بعد ان کی پرانی طلاق سے متعلق ویڈیوز دوبارہ وائرل کی گئی ہیں۔
فضا علی نے کہا کہ وہ ڈیلیوری رائیڈرز کے حق میں منطقی اور سچی بات کر رہی تھیں جس کے بعد ان کی ذاتی زندگی کو نشانہ بنایا گیا، انہوں نے واضح کیا کہ ایک پرانا کلپ، جو عرصے سے بھلا دیا گیا تھا جان بوجھ کر دوبارہ پھیلایا گیا۔
