لاہور: (ویب ڈیسک) مشیر خزانہ شوکت ترین نے وزیراعظم عمران خان کے 6 ارب ڈالر کے قرض پروگرام کو دوبارہ شروع کرنے کے لئے آئی ایم ایف کے سربراہ کی مدد لینے کے منصوبے سے متعلق خبروں کو جعلی قرار دیدیا۔
یاد رہے کہ خبریں گردش کر رہی ہیں کہ وزیر اعظم عمران خان نے آئی ایم ایف کے ساتھ معاہدے کی بحالی کے لیے ایم ڈی کو ٹیلی فون کال کرنے کا منصوبہ ختم کر دیا ہے۔
یہ خبریں سامنے آنے کے بعد وزیراعظم عمران خان کے مشیر برائے خزانہ شوکت ترین نے سماجی رابطے کی ویب سائٹ ٹویٹر پر لکھا کہ یہ خبریں مضحکہ خیز اور بے بنیاد ہیں۔ ’کامیاب جوان‘ تقریب کے دوران وزیراعظم کی آئی ایم ایف کے سربراہ سے ملاقات کے بارے میں سوال کیا گیا تھا جس پر میرا جواب تھا کہ مذاکرات پہلے مرحلے میں ہیں اور فی الحال کال کی ضرورت نہیں۔
The news ‘PM drops plan to seek IMF chief’s help” is completely flawed and baseless. Such proposal was never under consideration. The media reporters in the ‘Kamyab Jawan’asked about PM call to IMF chief. My reply was that negotiations are in advance stage and no need for call
— Shaukat Tarin (@shaukat_tarin) November 9, 2021
