فیصل آباد: (دنیا نیوز) الائیڈ ہسپتال فیصل آباد کے آوٹ ڈور وارڈ میں 100 فیصد مفت ادویات کی فراہمی کا آغاز کردیا گیا ہے۔
سرکاری ہسپتالوں میں رش اور ادویات کے فقدان کے مسائل زبان زد عام ہیں لیکن محکمہ صحت نے الائیڈ ہسپتال کو ماڈل ہسپتال قرار دیتے ہوئے فری ادویات کی فراہمی کے انقلابی اقدام کا آغاز کردیا ہے۔
نزلہ ، زکام ، بخار ، ذیابیطس اور دیگر بیماریوں کی 100 سے زائد اقسام کی دوائیں الائیڈ ہسپتال میں فراہم کردی گئی ہیں۔ مریض کہتے ہیں مفت ادویات کی فراہمی احسن اقدام ہے۔
ڈی ایم ایس سروسز کا کہنا ہے 98 اقسام کی ادویات محکمہ صحت اور 28 ادویات ہسپتال انتظامیہ فراہم کررہی ہے۔ روزانہ ہزاروں مریض مفت ادویات کی سہولت حاصل کررہے ہیں۔
شہریوں کا کہنا ہے کہ الائیڈ ہسپتال کی طرز پر دیگر ہسپتالوں میں بھی ادویات کی کمی پوری ہونی چاہئے۔
