راولپنڈی: (دنیا نیوز) شہید سپاہی نیاز پاک افغان سرحد پر باڑ لگانے کے کام میں مصروف تھے، افغانستان کی جانب سے فائرنگ میں وطنِ عزیز پر قربان ہو گئے۔
مادرِ وطن کی حفاظت کی خاطر ایک اور بیٹے نے اپنی جان کا نذرانہ پیش کر دیا ہے۔ پاک فوج کے شعبہ تعلقاتِ عامہ (آئی ایس پی آر) کے مطابق شہید سپاہی نیاز پاک افغان سرحد پر باڑ لگانے کے کام میں مصروف تھے، افغانستان کی جانب سے فائرنگ میں وطنِ عزیز پر قربان ہو گئے۔
Another son of soil sacrificed his life while making Pak-Afg bdr safe/inaccessible for terrorists. Sep Niaz Ali embraced Shahadat due to fire from across on fencing party in North Waziristan. We shall IA complete fencing undeterred. Afg cooperation required in mutual interest. pic.twitter.com/yRApc8MVGR
— Maj Gen Asif Ghafoor (@OfficialDGISPR) June 24, 2018
ڈی جی آئی ایس پی آر میجر جنرل آصف غفور کی جانب سے ٹویٹ میں بتایا گیا ہے کہ پاک افغان سرحد کو دہشتگردوں سے محفوظ بناتے ہوئے مادرِ وطن کے ایک اور سپوت نے اپنی جان کا نذرانہ پیش کر دیا ہے۔ سپاہی نیاز شمالی وزیرستان کے علاقے میں باڑ لگانے کے عمل میں مصروف تھے۔
میجر جنرل آصف غفور نے دو ٹوک الفاظ میں واضح کہا کہ باہمی مفاد کے تحت افغانستان کی جانب سے تعاون درکا ہے۔ انشا اللہ بغیر کسی خوف و خطر کے ہم باڑ لگانے کا عمل مکمل کریں گے۔
