راولپنڈی: (دنیا نیوز) یومِ آزادی کے موقع پر آرمی چیف جنرل قمر جاوید باجوہ نے اہلیہ کے ہمراہ سرسبز وشاداب پاکستان شجر کاری مہم کا افتتاح کر دیا۔ مہم کے دوران ملک بھر میں ایک کروڑ درخت لگائے جائیں گے۔ آرمی چیف نے اپیل کی ہے کہ درخت زندگی ہیں، ہر پاکستانی ایک پودا ضرور لگائے۔
ریس کورس پارک راولپنڈی میں افتتاحی تقریب سے خطاب کرتے ہوئے آرمی چیف جنرل قمر جاوید باجوہ نے کہا کہ پاک فوج ملک بھر میں شہری تنظیموں کے ساتھ مل کر ایک کروڑ پودے لگائے گی، ملک کو جنگلات کی کٹائی سے لاحق خطرات سے بچانے کے لیے درختوں کی ضرورت ہے۔
* پاک فوج کا یوم آزادی پر قوم کو تحفہ
— Maj Gen Asif Ghafoor (@OfficialDGISPR) August 13, 2018
* قومی شجر کاری مہم میں بھرپور شرکت
* آرمی چیف اور انکی اہلیہ نے ملک گیر ‘سرسبز و شاداب پاکستان’ مہم کا آغاز کیا
* آج ۲۰ لاکھ پودے لگاۓ گئے
* پاکستانیوں سے قومی مہم میں بھر پور شرکت کی اپیل
* درخت زندگی ہیں۔ درخت لگائیں زندگی بچائیں- آرمی چیف pic.twitter.com/dStSd3UKBJ
اس موقع پر آرمی چیف کی اہلیہ نے کہا کہ ہم اپنی آئندہ نسل کو ایک سرسبز پاکستان دینا چاہتے ہیں تو کم از کم ایک پودا ضرور لگائیں، ہمیں اپنے ہر بچے کی پیدائش پر ایک پودا لگانے کی ریت اپنانی چاہیے۔
