اسلام آباد: (دنیا نیوز) بھینسوں کے شوقین افراد کیلئے بڑی خبر آگئی، وزیراعظم ہاوس میں نازوں سے پلی 8 بھینیس نیلامی کیلئے پیش کرنے کا فیصلہ کر لیا گیا، تبدیلی سرکار نے کفایت شعاری مہم پر عمل کرتے ہوئے وزیراعظم کے زیر استعمال 4 ہیلی کاپٹروں سے بھی جان چھڑانے کی ٹھان لی۔
وزیراعظم ہاوس کی چمچماتی گاڑیوں کے بعد موٹی تازی بھینسوں کی شامت آگئی، نعیم الحق نے وزیراعظم ہاوس میں بندھی بھینسوں کی قسمت کا فیصلہ سنا دیا۔ انہوں نے کہا وزیراعظم ہاؤس میں موجود 8 بھینسیں بھی نیلام کی جائیں گی۔
After the surplus car auction , 4 surplus helicopters will be sold which are lying unused with the cabinet division. Plus , now listen to this, 8 buffaloes which Nawaz kept at the PM house for his gastronomic requirements. So all potential buyers please get ready.
— Naeem ul Haque (@naeemul_haque) September 10, 2018
نعیم الحق نے بتایا یہ بھینسیں نواز شریف نے رکھی تھیں، جن سے وہ اپنی غذائی ضروریات پوری کرتے تھے۔ وزیراعظم ہاوس میں موجود 4 ہیلی کاپٹر بھی تبدیلی سرکار کو کھٹکنے لگے، حکومت نے چاروں ہیلی کاپٹرز نیلام کرنے کا فیصلہ بھی کر لیا۔
