دریا خان: (دنیا نیوز) برکت والا کے قریب بارات میں شامل ٹریکٹر ٹرالی سے گر کر دو بچیوں اور دلہے کی والدہ سمیت تین افراد جاں بحق ہو گئے،لاشیں اسپتال منتقل کر دی گئیں۔
دریاخان نواحی علاقہ برکت والا کے قریب بارات میں شامل ٹریکٹر ٹرالی میں سوار دلہے کی والدہ اور دو بچیاں گر کر ٹرالی کے نیچے آ کر جاں بحق ہو گئیں۔ لاشوں کو ٹی ایچ کیو دریا خان منتقل کر دیا گیا ہے۔ بارات دریا خان کے نواحی گاؤں 51 ایم ایل دریا خان سے دلے والا جا رہی تھی۔ پولیس کے مطابق حادثہ ٹریکٹر ڈرائیور کی لاپرواہی کی وجہ سے پیش آیا۔ حادثہ کے بعد ٹریکٹر ڈرائیور جائے حادثہ سے فرار ہو گیا۔
