اسلام آباد: (دنیا نیوز) وزیراعظم عمران خان نے پاناما پیپرز اور جعلی اکاؤنٹس کی جےآئی ٹی کی رپورٹس کو ریاستوں کی ناکامی اور قرض اور غربت میں اضافے کے حوالے سے ایک 'کیس اسٹڈی' قرار دے دیا۔
سماجی رابطے کی ویب سائٹ ٹوئٹر پر اپنے پیغام میں وزیراعظم نے لکھا" عوامی پیسے کی چوری کیلئے طریقے حیران کن ہیں، عوامی خزانے کو جس طرح سے لوٹا گیا وہ ناقابل یقین ہے، پانامہ جے آئی ٹی اور جعلی اکاؤنٹس جے آئی ٹی رپورٹ ایک اسٹڈی کیس ہیں، دونوں رپورٹس سے پتہ چلا کہ کیسے ملک قرضوں میں ڈوبا۔
The Panama JIT report & the Fake Accounts JIT report are case studies in how states fail - getting impoverished & drowning in debt. The scale & methods used for siphoning off public money are incredulous & mind-boggling.
— Imran Khan (@ImranKhanPTI) December 25, 2018
وزیر اعظم عمران خان کا یہ بھی کہنا تھا کہ ان لوگوں پر حیرانی ہے جو دونوں رپورٹس پڑھنے کے باوجود لوٹ مار کرنے والوں کا دفاع کر رہے ہیں۔
یاد رہے کہ گزشتہ روز احتساب عدالت کے جج ارشد ملک نے نیب ریفرنسز پر محفوظ فیصلہ سناتے ہوئے العزیزیہ ریفرنس میں نواز شریف کو 7 سال قید اور جرمانے کی سزا سنائی جب کہ عدالت نے فلیگ شپ ریفرنس میں سابق وزیراعظم کو بری کیا۔
