کراچی: (دنیا نیوز) رات گئے کراچی پولیس نے کارروائیاں کرتے ہوئے سیاسی جماعت کے ٹارگٹ کلر اور لیاری گینگ وار کے کارندوں سمیت 9 ملزمان کو گرفتار کر لیا۔ ملزمان سے دستی بم ،اسلحہ اور منشیات برآمد کر لی۔
شہر قائد میں پولیس ان ایکشن، گارڈن تھارولین میں پولیس کا منشیات فروشوں سے مبینہ مقابلہ ہوا جس میں لیاری گینگ وار جمیل چھانگا گروپ کے تین کارندے زخمی حالت میں گرفتار کر لئے گئے۔ ایس ایس پی ایسٹ کے مطابق ملزمان پولیس اہلکارسہیل کے قتل کے مقدمے میں نامزد ہیں۔
ادھر پاکستان بازار پولیس نے کارروائی کرتے ہوئے ایم کیوایم لندن کے مبینہ ٹارگٹ کلر کو گرفتار کر لیا۔ پولیس کا کہنا ہے کہ ملزم کاشف 2012 میں مخالف جماعت کے کارکن کا قتل کیا۔ ملزم سے دستی بم اور پستول بھی برآمد کر لیا گیا۔
سائٹ سپر ہائی وے پولیس نے شادی کی تقریب میں ہوائی فائرنگ کرنے والے پانچ افراد کو دھر لیا۔ ملزمان سے اسلحہ اور بڑی تعداد میں گولیاں برآمد ہوئیں جس پر انکے خلاف مقدمہ درج کر لیا گیا۔
