ملتان: (روزنامہ دنیا) پارٹی پالیسی پر عمل نہ کرنیوالوں کیخلاف آئی درخواستوں پر عمل در آمد روک دیا۔ حمزہ شہباز کہتے ہیں ابھی مشکل وقت ہے کاروائی کرکے کارکنان کو ناراض کیا جاسکتا۔
ن لیگ نے الیکشن 2018 میں پارٹی پالیسی کی خلاف ورزی کرنے والوں کے خلاف کاروائی نہ کرنے کا فیصلہ کر لیا۔ حمزہ شہباز نے پنجاب بھر سے آئی درخواستوں پر عمل درآمد روک دیا۔ پارٹی کے مقامی تنظیمی عہدیداروں سے رابطے میں حمزہ شہباز شریف پیغام دیا کہ ابھی مشکل وقت ہے، پارٹی کو کارکنوں کی ضرورت ہے، کاروائی کرکے کارکنوں کو ناراض نہیں کیا جاسکتا، پارٹی قیادت کی اس حکمت عملی سے مقامی تنظیموں کو آگاہ کردیا گیا۔
