لاہور: (دنیا نیوز) سیشن عدالت لاہور نے منشیات سمگلنگ کیس میں ملوث غیر ملکی ماڈل ٹیریزا کو 8 برس اور 8 ماہ قید کی سزا سنا دی، ملزمہ کو ایک لاکھ 13 ہزار روپے جرمانہ بھی ادا کرنا ہو گا۔
ایڈیشنل سیشن جج شہزاد رضا نے ماڈل ٹیریزا کو پاکستان ہیروئن سمگل کرنے پر سزا سنا دی۔ ملزمہ کو گزشتہ برس 10 جنوری کو گرفتار کیا گیا تھا جس سے 9 کلو ہیروئن برآمد ہوئی تھی۔ عدالت نے غیر ملکی ماڈل کو 8 سال 8 ماہ قید اور 1 لاکھ 13 ہزار جرمانے کی سزا دی۔ ایڈیشنل سیشن جج کی جانب سے سزا سنائے جانے پر ٹیریزا رو پڑی، اس موقع پر متعلقہ ملک کے ڈپٹی سفیر بھی موجود تھے۔
ملزمہ ٹیریزا کا سزا کے بعد کہنا تھا کہ فیصلے کے خلاف ہائیکورٹ رجوع کروں گی۔
