اسلام آباد: (دنیا نیوز) فواد چودھری کا کہنا ہے نواز شریف کی رہائی کا چوتھا روز ہے، مگر تاحال انہیں ہسپتال داخل نہیں کرایا گیا، کیا آخری ہفتے کا انتظار ہے ؟۔
وفاقی وزیر فواد چودھری نے سماجی رابطے کی ویب سائٹ پر ٹویٹ کرتے ہوئے کہا میرا پھر مشورہ ہے آسان راستہ پلی بار گین ہے، پیسہ حسن اور حسین کا نہیں آپ کا ہے، اس قوم نے 3 بار آپ کو عزت دی، انکا پیسہ واپس دیں۔
نواز شریف کی رہائی کا چوتھا روز تاحال ہسپتال میں داخل نہیں کروایا گیا ۔کیا مقصد صرف جیل سے باہر آنا تھا یا بیماری کیلئے آخری ہفتے کا انتظار ہے؟ میرا پھر مشورہ ہے آسان راستہ Plea Bargain ہے، حسن اور حسین کا پیسہ نہیں آپ کا ہے اس قوم نے تین دفعہ آپ کو عزت دی ان کا پیسہ واپس دیں
— Ch Fawad Hussain (@fawadchaudhry) March 30, 2019
یاد رہے سپریم کورٹ نے نواز شریف کی طبی بنیادوں پر 6 ہفتے کے لئے ضمانت منظور کرتے ہوئے انھیں 50 لاکھ کے مچلکے جمع کرانے کا حکم دیا تھا۔ سابق وزیراعظم میاں محمد نواز شریف کی رہائی کے وارنٹ براہ راست سپریم کورٹ سے جاری کیے گئے۔
