اسلام آباد: (دنیا نیوز) وزیراعظم عمران خان نے سری لنکا کے مہندا راجا پاکسے کو وزیراعظم منتخب ہونے پر مبارکباد دی ہے۔
سماجی رابطے کی ویب سائٹ ٹویٹر پر ٹویٹ کے دوران عمران خان نے سری لنکن وزیراعظم کو عہدہ سنبھالنے پر مبارکباد دیتے ہوئے کہا کہ پاکستان اور سری لنکا کی تاریخی دوستی کو مزید مستحکم بنائیں گے۔
وزیراعظم کا مزید کہنا تھا کہ پاکستان اور سری لنکا کے تعلقات کو بلندیوں تک پہنچانے کے لیے نئے مواقع ڈھونڈیں گے۔
Heartiest congratulations @PresRajapaksa on your being appointed Prime Minister of Sri Lanka. I am looking forward to working closely with you & your Govt to further develop our historical friendship & partnership & find avenues for deepening cooperation between the two nations.
— Imran Khan (@ImranKhanPTI) November 21, 2019
دریں اثناء وزیراعظم عمران خان نے سری لنکن ہم منصب کو ٹیلیفون بھی کیا اور انہیں دورۂ پاکستان کی دعوت بھی دی۔
دوسری طرف سماجی رابطے کی ویب سائٹر ٹویٹر پر وزیراعظم کے ٹویٹ پر ری ٹویٹ کرتے ہوئے سری لنکن وزیراعظم مہندا راجا پاکسے کا کہنا تھا کہ میں عمران خان کی نیک خواہشات کا شکریہ ادا کرتا ہوں۔
Thank you Prime Minister @ImranKhanPTI for the warm wishes. I look forward to working with you and your government to better the relations between our two nations. https://t.co/8LBoyAujHU
— Mahinda Rajapaksa (@PresRajapaksa) November 21, 2019
ان کا کہنا تھا کہ مستقبل میں پاکستان اور سری لنکا کے درمیان بہترین تعلقات کے لیے آپ (وزیراعظم عمران خان) کیساتھ اور آپ کی حکومت کے ساتھ مل کر کام کرنے کا خواہشمند ہوں۔
