لاہور: (دنیا نیوز) لاہور سمیت پنجاب کے بیشتر علاقوں میں دھند کا راج ہے، جس کے باعث ٹریفک کی روانی شدید متاثر ہو رہی ہے۔
لاہور میں ٹھوکر نیاز بیگ سے پتوکی تک دھند کے ڈیرے ہیں۔ قومی شاہراہ پر حد نگاہ سو میٹر تک ہے۔ ترجمان موٹروے نے غیر ضروری سفر سے اجتناب اور فوگ لائٹس استعمال کی ہدایات دی ہیں۔
چنیوٹ، خوشاب اور جھنگ میں بھی شدید دھند ہے۔ بھوانہ، لالیاں اور چناب نگر میں بھی حد نگاہ صفر ہو چکی ہے۔ پیر محل، قائد آباد اور سانگلہ ہل میں دھند سے شہریوں کو مشکلات کا سامنا ہے۔ ہالہ اور مٹیاری میں قومی شاہراہ پر حد نگاہ صفر ہے۔
