لاہور: (دنیا نیوز) لاہور، لیہ، ٹوبہ ٹیک سنگھ، بھکر، جھنگ، فیصل آباد، اوکاڑہ، ساہیوال، ملتان، بہاولپور، بہاولنگر، ڈیرہ غازی خان اور راجن پور میں بھی صبح کے وقت دھند چھائی رہے گی۔
محکمہ موسمیات کے مطابق بلوچستان کے بیشتر اضلاع میں موسم سرد اور خشک رہنے جبکہ قلعہ عبداللہ، قلات، پشین اور زیارت کے اضلاع میں بارش اور پہاڑوں پر برفباری کا امکان ہے۔
اس کے علاوہ گوجرانوالہ، گجرات، اٹک، چکوال، جہلم، خوشاب اور راولپنڈی کے اضلاع میں بارش جبکہ سندھ کے شہروں سکھر، لاڑکانہ، روہڑی، پڈعیدن اور جیکب آباد صبح کے اوقات میں دھند چھائی رہے گی۔
خیبر پختونخوا کے بیشتر اضلاع میں مطلع ابر آلود رہے گا۔ ایبٹ آباد، بٹگرام، ہری پور، بشام اور مانسہرہ میں بارش اور پہاڑوں پر برفباری کا امکان ظاہر کیا جا رہا ہے۔
بونیر، چترال، دیر، مالاکنڈ، شانگلہ، سوات، صوابی، پشاور، مردان، نوشہرہ میں بارش اور پہاڑوں پر برفباری کا امکان ہے۔ گلگت بلتستان اور کشمیر میں مطلع ابر آلود رہنے کے ساتھ بارش اور برفباری کا بھی امکان ہے۔
