اسلام آباد: (دنیا نیوز) وفاقی وزیر سائنس وٹیکنالوجی فواد چودھری نے کہا ہے کہ وزیراعظم کی ہدایت پر اسلام آباد پولیس کو ہائی ٹیک کرنے کا منصوبہ شروع کر رہے ہیں۔
وفاقی وزیر فواد چودھری نے اپنی ٹویٹ میں بتایا کہ وزیراعظم عمران خان کی ہدایت پر اسلام آباد کے دس پولیس سٹیشنز کو پہلے مرحلے میں مارڈنائز کر رہے ہیں۔
اپنی ٹویٹ میں انہوں نے بتایا کہ وزیراعظم نے آج وزارت سائنس اور ٹیکنالوجی کو انتہائی اہمیت کی حامل قرار دیتے ہوئے کہا کہ ملک کے مستقبل کا انحصار علم اور ٹیکنالوجی کی سوجھ بوجھ پر ہے۔
وزیر اعظم نےآج وزارت سائنس اور ٹیکنالوجی کو انتہائ اہمیت کی حامل قرار دیتے ہوئے کہا کہ ملک کے مستقبل کا انحصار علم اور ٹیکنالوجی کی سوجھ بوجھ پر ہے، وزیر اعظم کی ھدائیت پراسلام آباد پولیس کو Hitech کرنے کا منصوبہ شروع کر رہے ہیں پہلے مرحلے میں دس پولیس اسٹیشن modernize کریں گے pic.twitter.com/OP1ZuKOOho
— Ch Fawad Hussain (@fawadchaudhry) May 8, 2020
فواد چودھری کا کہنا تھا کہ وزیراعظم نے سائنس اینڈ ٹیکنالوجی وزارت کی بہت تعریف کی، ان کیساتھ آئندہ شروع کئے جانے والے منصوبوں، پاکستان میں زرعی مکینیکل کمپلیکس اور جہلم میں بائیو ٹیکنالوجی پارک بنانے پر بھی ان سے بات ہوئی۔
