تازہ ترین
  • بریکنگ :- حکومت نےخیبرپختونخوامیں تاریخی ترقیاتی منصوبوں کاآغازکیا،وزیراعظم
  • بریکنگ :- انضمام شدہ اضلاع کی ترقی اولین ترجیحات میں شامل ہے،وزیراعظم
  • بریکنگ :- انضمام شدہ اضلاع کاترقیاتی بجٹ 24 ارب سےبڑھاکر 54 ارب کیا،وزیراعظم
  • بریکنگ :- عالمی سطح پرقیمتوں میں اضافےکےباعث مہنگائی میں اضافہ ہوا،وزیراعظم
  • بریکنگ :- مہنگائی کےاثرات عوام تک پہنچنےسےروکنےکیلئےاقدامات جاری،وزیراعظم
  • بریکنگ :- پشاور:پاکستان میں سیاحت میں اضافہ ہوا ہے،وزیراعظم
  • بریکنگ :- خیبرپختونخوامیں سیاحتی مقامات کی نشاندہی کرچکے،وزیراعظم
  • بریکنگ :- سیاحتی مقامات کی ترقی کیلئے جلدمنصوبےشروع کیےجائیں گے،وزیراعظم
  • بریکنگ :- خیبرپختونخوامیں بجلی کی لوڈشیڈنگ کےخاتمےکیلئےمنصوبہ لارہےہیں،وزیراعظم
  • بریکنگ :- وزیراعظم کی جاری ترقیاتی منصوبوں کی مقررہ مدت میں تکمیل کی ہدایت

'بھارتی مظالم جاری، کشمیر میں آج کرفیو کی آڑ میں نمازعید تک نہیں پڑھنے دی گئی'

Last Updated On 24 May,2020 03:55 pm

ملتان: (دنیا نیوز) وزیرخارجہ شاہ محمود قریشی نے کہا ہے کہ قوم کو عید کی مبارکباد پیش کرتا ہوں۔ بھارت کی جانب سے کسی بھی مس ایڈونچر کی کوشش پر بھرپور جواب دیں گے، کشمیر میں آج بھی کرفیو ہے، نماز پڑھنے تک کی اجازت نہیں۔

ملتان میں پریس کانفرنس سے خطاب میں وزیرخارجہ کا کہنا تھاکہ طیارہ حادثے کی انکوائری ہو رہی ہے، جو ذمہ دار ہوا اس کو استعفی دینا ہو گا۔ بلیک باکس سے کوئی چیز چھپ نہیں سکتی، وہ مل چکا ہے۔ تحقیقات سے طیارہ حادثہ کی وجوہات کا تعین کیا جائے گا۔ دعا ہے اللہ تعالی طیارے حادثے میں جاں بحق افراد کے لواحقین کو صبر دے۔

شاہ محمود قریشی نے کہا کہ دنیا بھر میں 3 لاکھ سے زائد لوگ کورونا کا شکار ہوئے، ہماری دعا ہے اللہ پاک جلد اس سے نجات دے۔ بہت سے پاکستانی کورونا سے متاثر ہوئے تاہم متعدد صحت یاب بھی ہوئے ہیں۔

بھارت سے متعلق وزیرخارجہ کا کہنا تھا کہ یو این سیکرٹری جنرل کے ساتھ بھارت سے متعلق تفصیلی بات چیت ہوئی۔ سیکرٹری او آئی سی کو بھی بھارت کی حرکتوں سے آگاہ کیا، مذکورہ تنظیم فلسطین اور کشمیر کو اجاگر کرنے کیلئے بنائی گئی تھی۔ بھارت نے بلوچستان میں انتشار پیدا کرنے کی کوشش کی، بھارتی سازشیں ہماری آنکھوں سے اوجھل نہیں۔ بھارت نے مقبوضہ کشمیر میں مظالم کا بازار گرم کر رکھا ہے، وہاں آج بھی کرفیو ہے، کشمیری بھائی عید کی نماز تک ادا نہیں کر سکے۔ کشمیریوں کے گھر لوٹے اور جلائے جا رہے ہیں۔