راولپنڈی: (دنیا نیوز) ترجمان پاک فوج میجر جنرل بابر افتخار نے ‘’یوم تکبیر’’ کے موقع پر اپنے پیغام میں مسلح افواج کی جانب سے تمام سائنسدانوں اور انجیئنرز کو سلام پیش کیا ہے۔
سماجی رابطوں کی ویب سائٹ ٹویٹر پر جاری اپنے پیغام میں ڈی جی آئی ایس پی آر میجر جنرل بابر افتخار نے لکھا کہ پاکستان نے 28 مئی 1998ء کو کامیابی کیساتھ خطے میں طاقت کے توازن کو بحال کیا، یہ سب سائنسدانوں اور انجینئرز کی انتھک کوششوں سے ممکن ہوا۔
On 28 May 1998 Pak successfully established credible min nuclear deterrence & restored balance of power in the region. AFs salute all those involved from conceptualisation to actualisation especially scientists & engineers who made this possible. Long Live Pakistan. #YoumeTakbeer
— DG ISPR (@OfficialDGISPR) May 28, 2020
ڈی جی آئی ایس پی آر نے لکھا کہ نیوکلیئر ڈیٹرنس کے حصول کو ممکن بنانے والے تمام افراد انجینئرز اور خاص طور پر سائنسدانوں کو مسلح افواج سلام پیش کرتی ہے، جنہوں نے اس تصور کو حقیقت کا روپ دیا، پاکستان زندہ باد۔
