اسلام آباد: (دنیا نیوز) پاکستان کی تاریخ میں پہلی بار امریکا کے لیے براہ راست پرواز روانہ ہوگئی۔ پی آئی اے کا مستقبل میں بھی امریکا کے لیے براہ راست پروازیں چلانے کا ارادہ ہے۔
ترجمان پی آئی اے کے مطابق ملکی تاریخ میں پہلی بار کوئی طیارہ پاکستان سے براہ راست امریکی شہر نیو جرسی پہنچے گا۔ پی آئی اے کی پرواز پی کے 8711 دو سو سے زائد مسافروں کو لے کر امریکا روانہ ہوئی۔
History in Making:
— PIA (@Official_PIA) May 31, 2020
First Pakistani origin aircraft operated by PIA 8711 flying directly from Pakistan (Islamabad) to US (New Jersey), departed in the morning today, carrying more than 200 Pax. Strict TSA security checking standards was maintained. pic.twitter.com/4JcoSTtXYp
پی آئی اے نے کچھ عرصہ قبل امریکا سے براہ راست پروازوں کی اجازت مانگی تھی۔ ترجمان پی آئی اے کا کہنا ہے کہ مستقبل بنیادوں پر اجازت ملی تو پی آئی اے امریکا کے لیے براہ راست پروازیں چلانے کا ارادہ رکھتی ہے۔
