لاہور: (ویب ڈیسک) مسلم لیگ ن کے صدر اور قومی اسمبلی میں اپوزیشن لیڈر میاں محمد شہباز شریف کا کہنا ہے کہ نیب میں پیش ہونے کے علاوہ میں نے گھر سے باہر جانے میں سخت احتیاط برتی اس کے باوجود بدقسمتی کورونا ٹیسٹ مثبت آ گیا۔
سماجی رابطے کی ویب سائٹ ٹویٹر پر ٹویٹ کرتے ہوئے قومی اسمبلی میں اپوزیشن لیڈر کا کہنا تھا کہ میں تہہ دل سے تمام لوگوں کا شکر گزار ہوں جنہوں نے میرے لئے نیک تمناؤں اور دعاؤں کے پیغامات بھیجے ہیں۔
I am deeply touched by your messages and grateful to all those who conveyed their best wishes to me. After feeling a bit unwell couple of days ago, I decided to go for the Covid-19 test. Unfortunately, it turned out to be positive. (1/n)
— Shehbaz Sharif (Stay at home to stay safe) (@CMShehbaz) June 11, 2020
ٹویٹ میں انہوں نے مزید لکھا کہ طبیعت کی ناسازی کے سبب میں نے کورونا ٹیسٹ کرانے کا فیصلہ کیا جو بدقسمتی سے مثبت آیا ہے۔
یہ بھی پڑھیں: شہباز شریف، ڈاکٹر رمیش کمار، خواجہ اظہار الحسن کا بھی کورونا ٹیسٹ مثبت آ گیا
لیگی صدر کا مزید کہنا تھا کہ پاکستان آنے کے بعد سے بہت زیادہ احتیاط کی اور طبی ماہرین کے مشوروں پر سختی سے عمل پیرا رہا۔ نیب میں نظرانداز نہ ہونے والی پیشی کے سوا میں نے گھر سے باہر جانے میں سخت احتیاط برتی۔ میں نے خود کو گھر تک ہی محدود رکھااور یہیں سے آن لائن اجلاس منعقد کئے۔
Ever since coming to Pakistan, I have been exteremely careful & completely followed the advice of health officials. Except for a couple of unavoidable outings recently like appearance before NAB, I have been home and conducted most of the meetings online. (2/n)
— Shehbaz Sharif (Stay at home to stay safe) (@CMShehbaz) June 11, 2020
شہباز شریف کا کہنا تھا کہ میری آپ سب سے گزار ش ہے کہ کورونا وائرس سے لاحق خطرات انتہائی سنگین ہیں۔ دل کی گہرائیوں سے عوام سے اپیل کرتا ہوں کہ بہت زیادہ زیادہ احتیاط کریں۔
Takeaway: The threat levels posed by Covid-19 are alarmingly high. I appeal to people from the core of my heart to be extraoridinarily careful. The households should desginate one person for necessary outdoor chores. Others should strictly stay home. (n/n)
— Shehbaz Sharif (Stay at home to stay safe) (@CMShehbaz) June 11, 2020
انہوں نے مزید لکھا کہ باہر جانے کے لیے ہر گھر کسی ایک فرد کو مقرر کریں اور باقی لوگ سختی کے ساتھ گھروں پر رہیں۔ اللہ آپ سب کا حامی و ناصر ہو
