خلاصہ
- اسلام آباد: (دنیا نیوز) پاکستان کے وزیراعظم عمران خان اور مائیکروسافٹ کے بانی بل گیٹس کے درمیان ٹیلی فونک رابطہ ہوا ہے جس میں دونوں رہنماؤں نے کورونا وائرس کی صورتحال اور پولیو مہم پر تبادلہ خیال کیا۔
وزیراعظم عمران خان نے بل گیٹس کو پاکستان میں کوویڈ 19 کی بہتر صورتحال سے آگاہ کرتے ہوئے بتایا کہ حکومت کی سمارٹ لاک ڈاؤن پالیسی بہت کارآمد ثابت ہوئی، بروقت موثر حکمت عملی سے صحت اور معیشت پر کورونا کے اثرات کو کم کرنے میں مدد ملی ہے۔
وزیراعظم کا کہنا تھا کہ کورونا وبا کے دوران بل گیٹس فاؤنڈیشن کے تعاون سے پاکستان کو بہت مدد ملی۔ پولیو کے لئے قائم انفراسٹرکچر سے کورونا کا موثر مقابلہ کیا۔
Prime Minister Imran Khan spoke to Mr. Bill Gates, co-chair of the Bill & Melinda Gates Foundation, today to discuss the latest situation on COVID-19 response and resumption of Polio vaccination campaigns in Pakistan.@ImranKhanPTI @BillGates pic.twitter.com/UlaMJQWCIh
— PTV News (@PTVNewsOfficial) August 11, 2020
اس موقع پر مائیکروسافٹ کے بانی بل گیٹس کا کہنا تھا کہ پولیو کے خاتمے کے لئے پاکستان میں مہم کا دوبارہ آغاز حوصلہ افزا ہے۔ امید ہے کہ مہم کے دوران کورونا وائرس سے بچاؤ کے لئے مناسب احتیاط اختیار کی جائے گی۔
بل گیٹس کا کہنا تھا کہ کورونا وائرس سے مقابلے کیلئے پاکستان کی کوششوں کو سراہتے ہیں۔ پاکستان نے کورونا کے دوران پسماندہ طبقات کی موثر دیکھ بھال کی۔
