کراچی: (دنیا نیوز) حلیم عادل شیخ نے کہا ہے کہ بڑے میچ کیلئے ورکرز کو وارم اپ کر رہے ہیں، پارٹی نے تحریک چلانے کا فیصلہ کیا تو سندھ حکومت کو بھرپورجواب دینگے۔
پاکستان تحریک انصاف کے رہنما حلیم عادل شیخ کا کہنا تھا پیپلز پارٹی سے نمٹنے کیلئے ان کے ہوم گراونڈ پر تیار ہیں، ہم بھی سندھ میں ہلکی پھُلکی موسیقی شروع کر رہے ہیں، آج حیدر آباد ڈسٹرکٹ تنظیم اور ریجن کی جانب سے حیدر آباد میں جلسہ ہے، کل عمرکوٹ اور میر پور خاص میں کرپشن مٹاؤ سندھ بچاؤ ریلی نکالیں گے، پی ڈی ایم جلسہ کے جواب میں کراچی میں بھی بڑے شو کی تیاری کی جا رہی ہے۔
