لاہور: (ویب ڈیسک) پاکستان پیپلز پارٹی کے چیئر مین بلاول بھٹو زرداری نے کہا ہے کہ وفاقی وزیر خزانہ عبد الحفیظ شیخ کو عہدے سے برطرف کرنا پاکستان ڈیمو کریٹک موومنٹ (پی ڈی ایم) کی فتح ہے۔
سماجی رابطے کی ویب سائٹ ٹویٹر پر جاری کردہ اپنے ایک بیان میں پیپلز پارٹی کے چیئر مین کا کہنا تھا کہ وزیر خزانہ کو عہدے سے برطرف کرنا پی ڈی ایم کی فتح ہے، پی ٹی آئی ایم ایف کے وزیر کو عہدے کو جاری رکھنے کے لیے سینیٹ سے منتخب ہونے کی ضرورت تھی۔
Sacking Finance minister is victory of PDM. PTIMF minister needed to be elected to continue in post & senate defeat made that impossible. Now government admits inflation is skyrocketing because of its failed policies. Parliamentary opposition proven most effective vs this regime.
— BilawalBhuttoZardari (@BBhuttoZardari) March 29, 2021
بلاول بھٹو زرداری نے کہا کہ حکومت تسلیم کرتی ہے کہ اس کی ناکام پالیسیوں کی وجہ سے مہنگائی بڑھ رہی ہے۔ پارلیمانی حزب اختلاف اس حکومت کے مقابلے میں انتہائی موثر ثابت ہوئی۔
