تازہ ترین
  • بریکنگ :- اتوارکو پشاور میں پارٹی کی کورکمیٹی کا اجلاس بلایا ہے ، عمران خان
  • بریکنگ :- پرسوں تاریخ مل جائے گی تاکہ سب جانے کی تیاری کرلیں،عمران خان
  • بریکنگ :- پرسوں تاریخ دوں گا کہ مارچ کب کرنا ہے،عمران خان
  • بریکنگ :- 25سے29 مئی کےدرمیان لانگ مارچ کا فیصلہ کروں گا،عمران خان
  • بریکنگ :- اسلام آباد مارچ میں ہمارا ایک ہی مطالبہ ہوگا،عمران خان
  • بریکنگ :- اسمبلی کب تحلیل اور الیکشن کب ہوں گے؟صرف یہی مطالبہ ہوگا،عمران خان

غزہ کی تعمیر نو اور فلسطین کیساتھ حکومت ہر ممکن تعاون کرے گی: طاہر اشرفی

Published On 22 May,2021 06:54 pm

لاہور: (ویب ڈیسک) وزیراعظم کے نمائندہ خصوصی برائے مذہبی ہم آہنگی و مشرق وسطی اور پاکستان علماء کونسل کے چیئرمین حافظ محمد طاہر محمود اشرفی نے کہا ہے کہ غزہ کی تعمیر نو اور فلسطین کے ساتھ حکومت ہر ممکن تعاون کرے گی۔

عرب ذرائع ابلاغ سے گفتگو کرتے ہوئے انہوں نے کہا کہ وزیر خارجہ نے پوری امت مسلمہ کی ترجمانی کی، تمام بلاد اسلامیہ کو کشمیر اور فلسطین کے مسئلہ پر متحد ہونا ہوگا۔ فلسطین کی صورتحال پر خود وزیراعظم عمران خان مسلسل رابطے میں ہیں، وزیراعظم کی ہدایات پر حکومت کے تمام اہم ذمہ دار فلسطین کے معاملہ پر متحرک ہیں۔

طاہر اشرفی نے کہا کہ وفاقی وزیر خارجہ شاہ محمود نے صرف پاکستانی قوم نہیں بلکہ مسلم امہ کی ترجمانی کی ہے۔ پاکستان، مصر، سعودی عرب، ترکی سمیت تمام بلاد اسلامیہ کو کشمیر اور فلسطین کے مسئلہ پر متحد ہونا ہو گا۔ مصر اور فلسطین کی حکومتوں اور سفارتخانوں سے رابطہ میں ہیں، فلسطین سے تعلق جسم اور روح کا ہے۔