تازہ ترین
  • بریکنگ :- کراچی:ڈسٹرکٹ ساؤتھ کھارادرمیں انسدادتجاوزات سیل کی کارروائی
  • بریکنگ :- کراچی:فٹ پاتھ پرقائم پتھارےاورالیکٹرک جنریٹرتحویل میں لےلیاگیا

ملک معاشی لحاظ سے استحکام کی طرف جا رہا ہے: وزیراعظم عمران خان

Published On 10 June,2021 05:14 pm

اسلام آباد: (دنیا نیوز) وزیراعظم عمران خان نے کہا ہے کہ ملک معاشی لحاظ سے استحکام کی طرف جا رہا ہے۔ تیز تر معاشی ترقی کے لیے سرمایہ کاری اہم ترین جزو ہے۔

وزیر اعظم عمران خان کی صدارت میں اجلاس ہوا، اجلاس میں سرمایہ کاری اور کاروبار میں درپیش رکاوٹوں کو دور کرنے کے حوالے سے جائزہ لیا گیا۔ سیکرٹری سرمایہ کاری بورڈ نے اجلاس کو ان تمام اقدامات کے بارے آگاہ کیا۔

وزیراعظم نے کہا کہ سرمایہ کاروں کو کاروبار کرنے کے لیے آسانیاں فراہم کی جائیں۔ اس وقت ملک معاشی لحاظ سے استحکام کی طرف جا رہا ہے۔ اس استحکام کو برقرار رکھنے اور تیز تر معاشی ترقی کے لیے سرمایہ کاری اہم ترین جزو ہے۔

عمران خان نے کہا کہ تمام وفاقی وزارتیں اور صوبائی حکومتیں سرمایہ کاری کو فروغ دیں، اس ضمن میں طے شدہ اہداف بروقت مکمل کریں۔