تازہ ترین
  • بریکنگ :- ترجمان دفترخارجہ کی صحافیوں سےغیررسمی گفتگو
  • بریکنگ :- اوآئی سی وزرائےخارجہ کونسل کااجلاس 19دسمبرکواسلام آبادمیں ہوگا،ترجمان
  • بریکنگ :- اسلامی ممالک کےوزرائےخارجہ کوشرکت کی دعوت دی گئی، ترجمان
  • بریکنگ :- اجلاس میں سلامتی کونسل کےمستقل ارکان کوشرکت کی دعوت،ترجمان
  • بریکنگ :- یورپی یونین،اقوام متحدہ اوراس کی امدادی ایجنسیوں کوشرکت کی دعوت،ترجمان
  • بریکنگ :- اجلاس میں افغانستان کااعلیٰ سطح وفدشرکت کرےگا،ترجمان
  • بریکنگ :- اوآئی سی سیکرٹریٹ کےآفیشلزاجلاس کی تیاریوں کاجائزہ لیں گے،ترجمان
  • بریکنگ :- اوآئی سی وزرائےخارجہ کاغیرمعمولی اجلاس 1980میں ہواتھا،ترجمان
  • بریکنگ :- 41سال بعدپاکستان افغانستان پراوآئی سی وزرائےخارجہ اجلاس کی میزبانی کررہاہے
  • بریکنگ :- افغانستان کوامدادنہ پہنچائی گئی تومعاشی بحران جنم لےسکتاہے، ترجمان

ایسے طلبہ جوتیاری نہ کرسکے، ستمبرمیں امتحان دے سکیں گے:پارلیمانی سیکرٹری تعلیم

Published On 08 July,2021 09:16 pm

اسلام آباد: (دنیا نیوز) قومی اسمبلی کو بتایا گیا ہے کہ میٹرک اور انٹرمیڈیٹ کے ایسے طلبہ جنھیں تیاری کیلئے مزید وقت درکار ہے، ان کے سپلیمنٹری امتحانات اس سال ستمبر میں ہوںگے۔

احسن اقبال اور دیگر ارکان کی جانب سے امتحانات موخر کرنے کے بارے میں توجہ دلاؤ نوٹس کے جواب میں وفاقی تعلیم اور پیشہ ورانہ تربیت کی پارلیمانی سیکرٹری وجیہہ اکرم نے کہا کہ یہ بھی یقینی بنایا جائے گا کہ بچوں کا تعلیمی سال ضائع نہ ہو۔

انہوں نے کہا کہ میٹرک اور انٹرمیڈیٹ کے اختیاری مضامین میں امتحانات اور مختصر نصاب کے حوالے سے تمام فیصلے تمام وفاقی اکائیوں کی جانب سے متفقہ طور پر کئے گئے ہیں۔

وجیہہ اکرم نے یہ بھی واضح کیا کہ طلبہ کو کافی وقت دیا گیا تاکہ وہ اپنے آپ کو امتحانات کیلئے تیار کر لیں۔

انہوں نے کہا کہ ڈیٹ شیٹ میں تین سے دس دن کا وقفہ دیا گیا ہے تاکہ انھیں اپنا کورس دہرانے کا مناسب وقت ملے۔
تاہم احسن اقبال نے امتحانات کو چھ ہفتوں تک موخر کرنے کی تجویز پیش کی کیونکہ طلبہ نے دیا گیا مختصر نصاب ابھی تک دہرایا نہیں ہے۔

سپیکر نے کہا کہ وہ اس حوالے سے حکمت عملی مرتب کرنے کیلئے وفاقی تعلیم کے وزیر شفقت محمود سے بات کریںگے جو اس وقت کسی سرکاری کام سے گلگت بلتستان میں ہیں۔ ایوان کا اجلاس اب کل دن گیارہ بجے ہوگا۔