اسلام آباد:(دنیا نیوز) وزیراعظم عمران خان نے کہا ہے کہ کراچی کے ساحلی زون کو سی پیک میں شامل کرنا گیم چینجر ہے۔
سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم عمران خان نے کہا کہ کراچی کو دیگر ترقی یافتہ پورٹ سٹی کے برابر لائیں گے،کم آمدنی والوں کیلئے 20ہزارگھریلو یونٹس تیار کریں گے۔
ان کا کہنا تھا کہ کراچی کے ساحلی زون کو سی پیک میں شامل کرنا گیم چینجر ہے جبکہ ماہی گیروں کے لیے سمندر محفوظ بنائیں گے۔
Inclusion of Karachi Comprehensive Coastal Development Zone in CPEC is game changer. Will cleanup our marine habitat for fishermen, develop 20k low income housing units & present opportunities for investors. Will put Khi at par with developed port cities
— Imran Khan (@ImranKhanPTI) September 26, 2021
Well done @MaritimeGovPK
ایک اور ٹوئٹ میں وزیراعظم عمران خان نے تاجر خرم محمود کے انتقال پر اظہار افسوس کرتے ہوئے کہاکہ خرم محمود کی امریکہ میں رحلت کا سن کر نہایت رنجیدہ ہوں، وہ ایک کامیاب تاجر اور تحریک انصاف کے بےلوث سوشل میڈیا ایکٹیوسٹ تھے، میری دعائیں اور ہمدردیاں ان کے اہلِ خانہ کے ساتھ ہیں۔
خرم محمود کی امریکہ میں رحلت کا سن کر نہایت رنجیدہ ہوں۔ وہ ایک کامیاب تاجر اور تحریک انصاف کے بےلوث سوشل میڈیا ایکٹیوسٹ تھے۔ میری دعائیں اور ہمدردیاں ان کے اہلِ خانہ کے ساتھ ہیں۔
— Imran Khan (@ImranKhanPTI) September 26, 2021
واضح رہے کہ وزیر اعظم عمران خان ایک روزہ دورے پر کل کراچی پہنچیں گے۔
وزیراعظم کراچی میں سرکلر ریلوے کے پہلے فیزکا سنگ بنیاد رکھیں گے، کراچی سرکلر ریلوے ڈھائی سو ارب روپے کی کثیر لاگت سے مکمل کیا جائے گا، منصوبے کے پہلے مرحلے میں انفراسٹرکچر مکمل کیا جائے گا ،دوسرے مرحلے میں آپریشنز بحال کیے جائیں گے، کراچی سرکلر ریلوے منصوبہ 18 سے 24 ماہ کی مدت میں مکمل کیا جائے گا۔
اس دوران کراچی میں اراکین قومی اور صوبائی اسمبلی، پی ٹی آئی سندھ اسٹریٹجک کمیٹی سے ملاقات کریں گے، وزیراعظم سندھ کے حوالے سے اپنے اگلے دو سالہ لائحہ عمل کا بھی اعلان کریں گے، وزیراعظم گورنر ہاوس کراچی میں علمائے کرام سے ملاقات بھی کریں گے۔
