تازہ ترین
  • بریکنگ :- ٹنڈوالہ یار اورگردونواح میں تیزہواؤں کےساتھ موسلادھاربارش
  • بریکنگ :- ٹنڈوالہ یار:بارش کےباعث نشیبی علاقےزیرآب،ضلع بھرمیں بجلی بند
  • بریکنگ :- حیدرآباد اور گردونواح میں بارش
  • بریکنگ :- حیدرآباد:تھرپارکراوربدین میں آسمانی بجلی گرنےسے 3 افرادجاں بحق
  • بریکنگ :- آسمانی بجلی گرنےسےبدین کےعلاقےٹنڈوغلام علی میں 2خواتین جاں بحق
  • بریکنگ :- آسمانی بجلی گرنےسےتھرپارکرکےعلاقےاسلام کوٹ میں ایک شخص جاں بحق
  • بریکنگ :- خان پور اور گردونواح میں موسلادھاربارش

'سیاست میں مافیاز کا راج ، طاقتور لوگ میرے خلاف سکینڈلز اور جعلی خبریں سامنے لائے'

Published On 28 November,2021 12:07 pm

اسلام آباد: (دنیا نیوز) وزیراعظم عمران خان نے کہا ہے کہ پاکستانی سیاست میں مافیا ز کا راج ہے ، بیس سالہ جدوجہد میں بہت سےدھچکوں کا سامنا کرنا پڑا، طاقت ور لوگ میری کردارکشی کیلئے اسکینڈلز اور جعلی خبریں سامنے لائے۔

وزیراعظم نے امریکی اسلامی اسکالر شیخ حمزہ یوسف کو انٹرویو کے دوران کہا کہ جب سیاست میں آیا تو ملک مشکل صورتحال سے دوچار تھا، لوگ سیاست میں آنے سے ڈرتے تھے کہ مافیاز کے ہاتھوں مار کھائیں گے۔ طاقتور لوگوں نے میری کردار کشی کی لیکن انسان اپنی ناکامیوں سے سیکھتا ہے۔ عزت اور کامیابی صرف اللہ تعالی کی ذات دیتی ہے، مال و دولت نہیں انسان کے اندر غیرت ہونی ضروری ہے۔ با ضمیر شخص کسی کے سامنے نہیں جھکتا، نہ ہی اپنی غیرت کا سودا کرتا ہے۔

انہوں نے کہا کہ اسلامی فلاحی ریاست کا عزم لے کر سیاست میں آیا، پاکستان کو ریاست مدینہ بنانا میری زندگی کا مقصد ہے۔ مذہب کے نام پر کسی کے ساتھ زبردستی نہیں کی جا سکتی،اللہ تعالی نے مجھے سب سے بڑی دولت ایمان سے نوازا ، سچا ایمان انا پر کنٹرول کرنا سکھاتا ہے، انا کسی بھی شخص کو برباد کر دیتی ہے۔  دوسرے انسانوں کا سوچنے والا اللہ تعالی کا ولی بنتا ہے۔

عمران خان نے مزید کہا کہ ہمارے ملک میں طاقتور اور کمزور کیلئے مختلف قوانین مروج ہیں، ہر چیز پر اشرافیہ کا قبضہ  ہے، قانون کی بالادستی کے بغیر کوئی معاشرہ ترقی نہیں کر سکتا، ہمیں قانون کو سپریم بنانا ہو گا۔