اسلام آباد: (دنیا نیوز) وزیراعظم عمران خان نے اسلامو فوبیا کے خلاف کینیڈین ہم منصب کے بیان کا خیرمقدم کیا ہے۔
وزیراعظم نے ٹویٹر پیغام میں کہا کہ جسٹن ٹروڈو کے اسلاموفوبیا پرمذمتی بیان کاخیرمقدم کرتا ہوں ، کینیڈین وزیراعظم کا اسلامو فوبیا سے نمٹنے کیلئے خصوصی نمائندہ مقرر کرنا خوش آئند ہے۔ انہوں نے کہا کہ اسلاموفوبیا کےخاتمے کیلئے مشترکہ کوششوں کو تیز کرنا ہو گا، جسٹن ٹروڈو کا بروقت اقدام اس مطالبے کی حمایت ہے جو میں دہراتا رہا ہوں۔
میں وزیراعظم @JustinTrudeau کیجانب سے #Islamophobia کی صریح مذمت + دورِحاضر کی اس لعنت کےانسداد کیلئےنمائندۂ خصوصی کےتقررکےفیصلےکا خیر مقدم کرتاہوں۔انکی اس بروقت ترغیب میں اس دعوت کی بازگشت ہےجو میں ایک عرصےسے(دنیا کو) دےرہا ہوں۔آئیے باہم ملکر اس آفت کےخاتمے کا سامان کریں
— Imran Khan (@ImranKhanPTI) January 30, 2022
وزیرمملکت برائے اطلاعات فرخ حبیب نے بھی اس حوالے سے ٹویٹ کیا، ان کا کہنا تھا کہ وزیراعظم کے اسلامو فوبیا کیخلاف آواز اٹھانے کے اثرات آنا شروع ہو گئے، کینیڈین وزیراعظم جسٹن ٹروڈونےبھی اس کی مذمت کی ہے اور اسلامو فوبیا کےسدباب کیلئےخصوصی نمائندہ مقررکرنےکافیصلہ کیاہے۔
وزیراعظم عمران خان کی اسلام فوبیا کیخلاف عالمی فورمز پر آواز اٹھانے کے اثرات آنا شروع ہوگئےہے
— Farrukh Habib (@FarrukhHabibISF) January 30, 2022
کینیڈین وزیراعظم جسٹن ٹروڈو نے بھی اسکی مذمت کی ہے اسکے سدباب کےلئے خصوصی نمائندہ مقرر کرنے کاعیادہ کیا ہے اس سےقبل روس کے صدر پیوٹن بھی اسلام فوبیا کو آزادی رائے کہنا غلط قرار دےچکے ہے https://t.co/L6RUrDeQPF
