اسلام آباد: (دنیا نیوز) وفاقی وزیر تعلیم شفقت محمود کا کہنا ہے کہ حکومتی اراکین کو ہراساں کرنے کے لیے پارلیمانی لاجز پر قبضہ کرنے کی کوشش کرنے والے جے یو آئی کے جتھے کی شدید مذمت کرتے ہیں۔
اپنے ٹوئٹر پیغام میں وفاقی وزیر کا کہنا تھا کہ اسلام آباد پولیس تعریف کی مستحق ہے جس نے انہیں بے دخل کیا، انہوں نے فضل الرحمان کو نصیحت کرتے ہوئے کہا کہ اسے آئینی عمل ہی رہنے دیں، ڈرانے کی کوشش نہ کریں، یہ کام نہیں کرے گا۔
شفقت محمود کا مزید کہنا تھا کہ کیا فضل الرحمان دارالحکومت میں افراتفری پھیلا کر 22 مارچ کو ہونے والی اسلامی ممالک کی تنظیم کانفرنس کو سبوتاژ کرنے کی کوشش کر رہے ہیں؟ وہ کامیاب نہیں ہوں گے لیکن یہ ایک قابل مذمت کوشش ہے اور کشمیر کاز کو سبوتاژ کرنے کے مترادف ہے۔
