اسلام آباد: (دنیا نیوز) وزیراعظم شہباز شریف نے اومی کرون وائرس کی نئی ساخت کے بڑھتے ہوئے کیسز کا نوٹس لے لیا ہے۔
وزیراعظم نے این سی او سی کو فوری بحال کرنے کی ہدایت کرتے ہوئے وزارت قومی صحت سے موجودہ صورتحال کے متعلق رپورٹ طلب کر لی ہے۔ گزشتہ روز پاکستان میں اومیکرون کے نئے سب ویرینٹ کے پہلے کیس کی تصدیق کی گئی ہے۔ قومی ادارہ صحت نے شہریوں سے اپیل کی ہے کہ ابتدائی ویکسین مکمل کروائیں اور چھ ماہ بعد بوسٹرڈوز لگوائیں۔