اسلام آباد: (دنیا نیوز) سربراہ عوامی مسلم لیگ شیخ رشید نے کہا ہے کہ موجودہ حکمرانوں کو سمجھ نہیں آ رہی کہ الیکشن سے کیسے جان چھڑائی جائے۔
سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ فضل الرحمان فرسٹریشن میں خواتین کے خلاف بیہودہ بیان دے رہے ہیں، بلاول بھٹو ورلڈ ٹور پر ہیں۔
حکمرانوں کو سمجھ نہیں آرہی کہ الیکشن سےکیسےجان چھڑائی جائےفضل الرحمان فرسٹریشن میں خواتین کےخلاف بیہودہ بیان دےرہےہیں بلاول بھٹوورلڈٹورپرہیں شجاعت پرویزدوبارہ ایک ہوچکےہیں اس لیےعدم اعتماد اورگورنر راج نہیں اسمبلیاں تحلیل ہوں گی ملک کوسینٹورس مال سمجھنےوالےالیکشن کےلیےتیارہوجائیں
— Sheikh Rashid Ahmed (@ShkhRasheed) December 7, 2022
شیخ رشید کا مزید کہنا تھا کہ چودھری شجاعت حسین اور پرویز الٰہی دوبارہ ایک ہو چکے ہیں، اس لیے عدم اعتماد اور گورنر راج نہیں اسمبلیاں تحلیل ہوں گی۔
اپنے ٹوئٹ میں سربراہ عوامی مسلم لیگ کا کہنا تھا کہ ملک کو سینٹورس مال سمجھنے والے الیکشن کے لئے تیار ہوجائیں۔
نوازشریف جلدی کر لے الیکشن قبل از وقت ہیں، شیخ رشید
قبل ازیں اپنے ٹوئٹر پیغام میں سربراہ عوامی مسلم لیگ شیخ رشید نے کہا ہے کہ نواز شریف جلدی کر لے الیکشن قبل از وقت ہیں۔ ان کا کہنا تھا کہ قابل احترام سعودی سفیر کو سمجھ ہے کہ سیاسی استحکام پاکستان کی ضرورت ہے لیکن شہبازشریف اور فضل الرحمان کو یہ بات سمجھ نہیں آرہی۔
ارشد شریف پرزندگی میں FIR 16 ہوئیں شہادت پر 44دن کےبعدFIR ہوئی وہ بھی ماں کی مدعیت میں نہیں قابل احترام سعودی سفیرکوسمجھ ہےسیاسی استحکام پاکستان کی ضرورت ہےشہبازاورفضل الرحمان کویہ بات سمجھ نہیں آرہی روسی تیل گندم کی درآمدسوالیہ نشان ہیں نواز شریف جلدی کر لےالیکشن قبل از وقت ہیں
— Sheikh Rashid Ahmed (@ShkhRasheed) December 7, 2022
شیخ رشید کا کہنا تھا کہ ارشد شریف پر زندگی میں 16ایف آئی آر ہوئیں، ارشد شریف کی شہادت پر 44 دن کے بعد ایف آئی آر ہوئی وہ بھی ماں کی مدعیت میں نہیں۔
اپنے ٹوئٹر پیغام میں سربراہ عوامی مسلم لیگ نے کہا کہ روسی تیل اور گندم کی درآمد سوالیہ نشان ہیں
