اسلام آباد: (دنیا نیوز) اسلام آباد ہائی کورٹ نے 26 دسمبر سے 30 دسمبر کا روسٹر جاری کر دیا، موسم سرما کی تعطیلات کے باعث 3 ججز رخصت پر ہونگے۔
روسٹر کے مطابق 26 دسمبر سے شروع ہونے والے ہفتے میں دو ڈویژن، پانچ سنگل بینچ دستیاب ہونگے، آئندہ ہفتے کے لئے چیف جسٹس عامر فاروق اور جسٹس اعجاز اسحاق خان پر مشتمل بینچ دستیاب ہوگا۔
جسٹس محسن اختر کیانی اور جسٹس ارباب محمد طاہر پر مشتمل دو رکنی بینچ بھی کیسز پر سماعت کرے گا، چیف جسٹس عامر فاروق ،جسٹس محسن اختر کیانی اور جسٹس میاں گل حسن اورنگزیب سنگل بینچ میں کیسز کی سماعت کریں گے جبکہ جسٹس سردار اعجاز اسحاق خان اور جسٹس ارباب محمد طاہر پر مشتمل سنگل بینچ بھی دستیاب ہوگا۔
چیف جسٹس اسلام آباد ہائی کورٹ کی ہدایت پر خصوصی ڈویژن بنچ یا لارجر بینچ بھی سماعت کے لئے دستیاب ہوگا۔
