مانگا منڈی : (دنیا نیوز) ملتان روڈ پر دھند کے باعث خوفناک ٹریفک حادثہ پیش آیا ہے ۔
لاہور ملتان روڈ پرعلی الصبح دھند کےباعث6 گاڑیاں آپس میں ٹکرا گئیں جس کے نتیجے میں 8 افراد زخمی ہوئے ہیں ۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو ابتدائی طبی امداد کے بعد فوری طور پر مقامی ہسپتال منتقل کر دیا ۔
ریسکیو کے مطابق زخمیوں میں دو کی حالت تشویشناک بتائی جارہی ہے ، حادثے کی اطلاع ملنے پر موٹروے پولیس بھی موقع پر پہنچ گئی ، موٹروے پولیس نے گاڑیوں کو فوری طور پر ملتان روڈ سے ہٹا کر ٹریفک کی روانی بحال کروائی ۔
