لاہور: (دنیا نیوز) موجیں ختم، موسم سرما کی تعطیلات کے بعد لاہور سمیت پنجاب بھر میں تعلیمی ادارے کھل گئے۔
موسم سرما کی تعطیلات ختم ہونے کے بعد صوبہ بھر میں تمام نجی اور سرکاری سکول کھل گئے، موسم سرما کی تعطیلات کا آغاز گزشتہ سال 24 دسمبر سے ہوا، ابتدائی طور پر چھٹیاں 31 دسمبر تک دی گئیں تھیں تاہم عدالتی حکم پر چھٹیوں میں اضافہ کیا گیا تھا۔
واضح رہے کہ گزشتہ روز صوبائی وزیر تعلیم ڈاکٹر مراد راس نے سماجی رابطے کی ویب سائٹ ٹوئٹر پر اپنے پیغام میں کہا کہ تھا کہ " کل سکول کھلے ہیں، باقی سب فیک نیوز ہیں، میری بات پر یقین کریں۔ خوش آمدید."
Schools are open tomorrow. All the rest are FAKE NEWS. Believe this. Welcome back.
— Murad Raas (@DrMuradPTI) January 8, 2023
خیال رہے کہ سوشل میڈیا پر سکولوں کی تعطیلات میں اضافے کے حوالے سے مختلف نوٹیفکیشنز گردش کر رہے ہیں جن میں دعویٰ کیا جا رہا ہے کہ سکولوں کی چھٹیوں میں اضافہ کردیا گیا ہے
تاہم وزیر تعلیم کے اپنے بیان کے بعد والدین اور طلبہ کیلئے صورت حال مکمل طور پر واضح ہوگئی ہے۔
