راولپنڈی: (دنیا نیوز) عوامی مسلم لیگ کے سربراہ و سابق وفاقی وزیر داخلہ شیخ رشید احمد نے کہا ہے کہ حکومت کا مسئلہ مہنگائی و بیروزگاری نہیں بلکہ عمران خان کی گرفتاری ہے جو اسے مہنگی پڑے گی۔
سماجی رابطے کی ویب سائٹ ٹوئٹر پر اپنے پیغام میں شیخ رشید احمد کا کہنا تھا کہ آصف زرداری کہتے ہیں ڈیفالٹ ہونا معمول کی بات ہے کیونکہ ان کی دولت پاپڑ والے، دہی بھلے والے کے ذریعے باہر منتقل ہوچکی ہے، بلورانی امریکا میں بلو کے گھر ویمن ڈے منا رہی ہے۔
اس حکومت کامسئلہ بےروزگاری مہنگائی اور
— Sheikh Rashid Ahmed (@ShkhRasheed) March 8, 2023
معاشی تباہی نہیں صرف عمران خان کی گرفتاری ہےجومہنگی پڑےگی اوربڑی غلطی ثابت ہوگی۔الیکشن کےمعاملے پرسپریم کورٹ کےفیصلوں کوبھی اگرحکومت نہیں مانتی توپھر قوم کدھرجائے۔حکومتی اتحاد میں پھوٹ پڑچکی ہے۔دو نہیں ایک انتخاب ہوگااس کافیصلہ بھی جلد ہوگا
انہوں نے کہا حکومت غریب کے مسائل حل کرنے کے بجائے اپنے مفادات حل کر رہی ہے، پاکستان کو غریب کے لیے ڈیتھ زون بنا دیا گیا ہے، اس حکومت کا مسئلہ بیروزگاری، مہنگائی اور معاشی تباہی نہیں، صرف عمران خان کی گرفتاری ہے، جو مہنگی پڑے گی اور بڑی غلطی ثابت ہوگی۔
سابق وفاقی وزیر کا مزید کہنا تھا کہ الیکشن کے معاملے پر سپریم کورٹ کے فیصلوں کو بھی اگر حکومت نہیں مانتی تو پھر قوم کدھر جائے، حکومتی اتحاد میں پھوٹ پڑچکی ہے، دو نہیں ایک انتخاب ہوگا اس کا فیصلہ بھی جلد ہوگا، حکومت کے آئی ایم ایف سے معاملات طے نہیں ہو پا رہے۔
