لاہور: (دنیانیوز) وفاقی وزیر ورہنما مسلم لیگ ن خواجہ سعد رفیق کاکہنا ہے کہ دشمنوں کے ہاتھوں میں کھیلنے والے کو کپتانی واپس نہیں ملے گی۔
وفاقی وزیر ورہنما مسلم لیگ ن خواجہ سعد رفیق نے سماجی رابطے کی ویب سائٹ ٹوئٹر پر ایک بیان میں کہا ہے کہ شخصی اقتدار کیلئے باؤلا عمران پاکستانیوں کو ابدی غلامی کی زنجیریں پہنانا چاہتا ہے، پاکستان میں گمراہی اور نفرت پھیلانے کیلئے فارن فنڈنگ کے بل پر زہریلا پروپیگنڈا پھیلایا گیا۔
خواجہ سعد رفیق نے مرحلہ وار ٹوئیٹس میں کہا کہ عمران حکومت نے اپنی نالائقی سے پاکستانیوں کو غیر ملکی قرضوں کے ریکارڈ بوجھ تلے دبا دیا، اسٹیبلشمنٹ کا سابقہ منظورِ نظر عمران نیازی اب اینٹی پاکستان طاقتوں کے مہرے کے طور پر استعمال ہورہا ہے۔
عمران حکومت نےاپنی نالائقی سے پاکستانیوں کو غیر ملکی قرضوں کے ریکارڈ بوجھ تلے دبا دیا
— Khawaja Saad Rafique (@KhSaad_Rafique) March 26, 2023
اسٹیبلشمنٹ کا سابقہ منظور ِنظر عمران نیازی اب انیٹی پاکستان طاقتوں کے مہرے کے طور پر استعمال ھو رھا ھے
پی ٹی آٸ کی خفیہ فارن فنڈنگ پاکستان کے قومی مفادات کیخلاف استعمال کی جا رھی ھے
مسلم لیگ ن رہنما کا کہنا تھا کہ پی ٹی آئی کی خفیہ فارن فنڈنگ پاکستان کے قومی مفادات کے خلاف استعمال کی جارہی ہے، اقتدار کیلئے فاشسٹ عمران شیاطین سے بھی اتحاد کرلیتا ہے، 2018میں آئین ،جمہوریت اور عوامی امنگوں کو کچل کر عمرانی حکومت مسلط نہ کی جاتی تو پاکستان دنیا کی ابھرتی معیشت بن گیا ہوتا۔
خواجہ سعد رفیق نے چیئرمین پی ٹی آئی پر مزید تنقید کرتے ہوئے کہا کہ تمھاری 4سالہ حکمرانی نے پاکستان کی معاشی بنیادیں ہلادیں ، ملکی سالمیت کو شدید خطرات لاحق ہوگئے، سلیکٹڈ کا جھٹکا ہوا تو الیکٹڈ کی یاد آئی ، چیخنا ،چلانا،قلابازیاں لگانا کچھ کام نہیں آئے گا۔
سلیکٹڈ کا جھٹکا ھوا تو الیکٹڈ کی یاد آىئ
— Khawaja Saad Rafique (@KhSaad_Rafique) March 26, 2023
چیخنا چلانا قلا بازیاں لگانا کچھ کام نہیں آئیگا
ظُلم جھوٹ سازش اور لوٹ مار کا حساب دیے بغیر جان نہیں چھُوٹے گی
فارن فنڈڈ فتنے کا راستہ روکا جائیگا
ان کاکہنا تھا کہ ظلم ،جھوٹ،سازش اور لوٹ مار کا حساب دیے بغیر جان نہیں چھوٹے گی، فارن فنڈڈ فتنے کا راستہ روکا جائے گا۔
