راولپنڈی: (دنیا نیوز) سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ 8 اکتوبر تو دور کی بات یہ 8 جون کا دن بھی نہیں دیکھیں گے، ججز کے خلاف ریفرنس دائر کرنے کا نتیجہ بھی زیرو نکلے گا۔
سماجی رابطے کی ویب سائٹ ٹوئٹر پر اپنے بیان میں شیخ رشید احمد کا کہنا تھا کہ 3 جسٹس کے خلاف ریفرنس کے معاملے کا بیان رانا ثناء اللہ جیسا شخص ہی دے سکتا ہے ان ججز نے پی ٹی آئی کے خلاف بھی فیصلے دیئے تھے لیکن اس کا مطلب یہ نہیں کہ من پسند کے فیصلے ججز سے لئے جائیں۔
3جسٹس کےخلاف ریفرنس کے معاملے کا بیان رانا ثناء اللہ جیسا شخص ہی دےسکتا ہےان ججز نےPTIکےخلاف بھی فیصلے دیےتھے لیکن اس کا مطلب یہ نہیں کہ من پسند کے فیصلے ججز سے لیے جائیں حکومت کا الیکشن سےفرارہوناعدلیہ پر دباؤڈالناغریب کاآٹےکےلیےجان دینا سب خطرے کی علامت ہیں عدلیہ ریڈ لائن ہے
— Sheikh Rashid Ahmed (@ShkhRasheed) April 2, 2023
سابق وزیر نے کہا کہ 90 دن میں پنجاب اور خیبر پختونخوا کی نگران حکومتیں بھی ختم ہو جائیں گی اور ججز کے خلاف ریفرنس دائر کرنے کا نتیجہ بھی زیرو نکلے گا، ملک میں جمہوریت انارکی کی طرف چلی جائے گی، مسئلہ 90 روز میں الیکشن کا ہے جو 13 جماعتوں کے ٹولے کی سیاسی موت ثابت ہوگا۔
انہوں نے کہا کہ حکومت کا الیکشن سے فرار ہونا اور عدلیہ پر دباؤ ڈالنا غریب کا آٹے کے لئے جان دینا سب خطرے کی علامت ہیں، عدلیہ ریڈ لائن ہے، عدلیہ یا سڑکوں پر عوام میں سے ایک کا فیصلہ ماننا ہوگا، اسرائیل ہندوستان سے تجارت اور اثاثوں پر دباؤ کا جواب دینا ہوگا۔
8اکتوبرتودورکی بات یہ8جون کادن بھی نہیں دیکھیں گےلوگوں کےپاس مردےکی تدفین کےپیسےنہیں ہیں انکےڈالرکی قیمت دگنی ہوگئی ٹی وی چینلزپرپابندیاں لگانےسےساراملک سوشل میڈیاکیطرف چلاجائےگااسرائیل ہندوستان سےتجارت اثاثوں پردباؤکاجواب دیناہوگاعدلیہ یاسڑکوں پرعوام میں سےایک کافیصلہ مانناہوگا
— Sheikh Rashid Ahmed (@ShkhRasheed) April 2, 2023
سربراہ عوامی مسلم لیگ کا مزید کہنا تھا کہ بلند ترین ریکارڈ مہنگائی اور بیروزگاری خانہ جنگی کی طرف لے جا سکتی ہے، لوگوں کے پاس مردے کی تدفین کے پیسے نہیں ہیں ان کے ڈالر کی قیمت دگنی ہوگئی، ٹی وی چینلز پر پابندیاں لگانے سے سارا ملک سوشل میڈیا کی طرف چلا جائے گا۔
