کراچی : (دنیانیوز) کراچی کے علاقے کورنگی زمان ٹاؤن میں پلاسٹک کے گودام میں آگ لگنے کا واقعہ پیش آیا ہے تاہم فائر بریگیڈ کی کوششوں سے آگ پر قابو پالیا گیا ہے ۔
تفصیلات کے مطابق واقعے کی اطلاع ملنے پر فائر بریگیڈ اور امدادی ٹیمیں موقع پر پہنچ گئی ، فائر بریگیڈ نے آگ پر قابوپالیا ہے اور کولنگ کا عمل جاری ہے ۔
فائر بریگیڈ حکام کاکہنا ہے کہ ابتدائی طور پر آگ شارٹ سرکٹ کے باعث لگی ہے ، فائر بریگیڈ کی مزید گاڑیاں روانہ کی گئی ہیں ، آگ لگنے کی حتمی وجہ آگ پر قابو پانے کے بعد بتائی جاسکے گی ۔
واقعے میں کسی جانی نقصان کی اطلاع موصول نہیں ہوئی ہے ۔
