لندن: (دنیا نیوز) سینیٹر عرفان صدیقی نے کہا کہ نوازشریف نے کبھی مزاحمتی سیاست نہیں کی، ہمیشہ افہام و تفہیم کا راستہ چنا ہے۔
سینیٹرعرفان صدیقی نے کہا کہ شاہد خاقان عباسی نے اپنی نئی پارٹی بنانے کا نہیں کہا، مسلم لیگ ن کے قائد میاں نواز شریف کی ترجیحات، مہنگائی، بیروزگاری اور عوام کی موجودہ صورتحال ہے، واپس آکر وہ انہی مسائل کی طرف بھرپور توجہ دیں گے۔
عرفان صدیقی نے کہا میاں نواز شریف کی واپسی سے قبل حفاظتی ضمانت کے لئے درخواست دائر کی جائے گی، 9 مئی کے واقعات مکمل منصوبہ بندی کے ساتھ کئے گئے اس میں کوئی شک نہیں ہے۔
سینیٹر عرفان صدیقی نے مزید کہا کہ سوچی سمجھی سازش کے تحت 9 مئی کو تنصیبات پر حملے کئے گئے تھے۔
